Ferðskrifstofan ÍSLANDSVINIR – ICELAND EXPLORER verður með jólaskíðaferð til TÉKKLANDS.  

Horfðu á skemmtilegt myndband frá ferð Íslandsvina til Spindlerúv Mlýn!

Þó að þetta sé fyrst og fremst skíðaferð er líka hægt að skoða sögulegar minjar, bragða á fjölbreyttum mat og komast í náin kynni við tékkneska og pólska fjallamenningu þar sem dvalið verður í fjallaþorpinu Spindlerúv Mlýn sem er í u.þ.b. 700 m.y.s. og liggur að landamærum Póllands.
 
Spindlerúv Mlýn svæðið er besta skíðasvæði Tékklands hvort sem litið er til svigskíða-, snjóbretta- eða gönguskíðaiðkunar eins og sjá má nánar á þessari síðu: http://www.skiarealspindl.cz/.
 
Hótel Harmony sem dvalið verður á í Spindlerúv Mlýn er staðsett miðsvæðis í hæstu fjöllum Tékklands og stendur sjálft í um 800 m.y.s. Það er nýtískulegt og býður uppá mjög góða aðstöðu fyrir sína gesti, en hægt er að skoða það nánar á heimasíðu þeirrawww.harmonyclub.cz . Þetta er 4 stjörnu hótel með öllu, og hægt er að renna sér beint út á skíðasvæðið. Góðar byrjenda- og barnabrekkur eru við hótelið þar sem m.a. er boðið upp á kennslu.
 
Pólland.  Einn daginn verður boðið uppá ferð til Póllands í Karpach (Tatra) fjöllin, þar sem við komumst í færi við pólska menningu, listir og síðast en ekki síst pólskt fjallakjöt sem rennt er niður með pólskum drykkjum. Tilvalið fyrir þá sem vilja taka hvíld frá skíðaiðkun í einn dag (Ath. valkvætt og þessi dagsferð er ekki innifalin í heildarverði ferðarinnar).