Ferð	Skíðaferð, Brixen-Plose
Tími	Tvær ferðir eru í boði. Takmarkaður sætafjöldi í hverja ferð. 11.-18. febrúar og 18.- 25.febrúar 2012
Fararstjón	Nei
Flug	Leiguflug með Icelandair til og frá Verona.
Ferðir á staðinn	Innifalinn akstur til og frá flugvelli ytra. Tekur um 2 1/2 klst hvor leið.

Rétt sunnan við Brennerskarðið, í Suður-Tíról á Ítalíu, kúrir lítill fallegur bær sem heitir Brixen. Í hæðunum fyrir ofan bæinn er eitt best geymda leyndarmál Ítalíu, skíðasvæðið Brixen-Plose, sem er stundum kallað „sólarsvalir Dólómítanna“. Ólýsanleg tilfinning er að njóta þaðan útsýnis yfir hina stórbrotnu Alpaveröld úr allt að 2.500 m hæð og renna sér síðan niður lengstu skíðabrekku í Suður-Tíról, Trametsch, sem er 9 km á lengd. En það er bara byrjunin!

Brixen-Plose skíðasvæðið er snjóöruggt og fjölskylduvænt. Þar eru 43 km af skíðabrekkum sem henta öllum,  10 skíðalyftur og kláfar. Ef það dugar ekki gildir skíðapassinn líka á  önnur skíðasvæði í nágrenninu, þ.e.  Gitschberg-Meransen og  Jochtal-Vals í Eisachtal sem gerir samanlagt 87 km af brekkum og 26 lyftur. Ókeypis skíðarúta fer á milli svæðanna. Skíðaskólar eru til staðar og einnig er hægt að leigja skíði og útbúnað ef þess er óskað.  

Út um allt er að finna veitingastaði og bari. Afþreying af ýmsu tagi er  í boði, s.s. leiksvæði, töfrateppi, brettagarður og ný 11 km löng sleðabraut svo eitthvað sé nefnt.

Brixen er í um 10 km fjarlægð frá Brixen-Plose skíðasvæðinu og ókeypis skíðarúta fer daglega á milli. Brixen er gamall menningarbær með mikla sögu, þar er margt að skoða og söfn, veitingastaðir og verslanir laða marga að. Þess vegna er hér kjörið tækifæri fyrir þá sem vilja sameina skíðaferð og menningarlíf.  Með “Brixenkortinu” sem allir farþegar okkar fá, eru ennþá fleiri og ódýrari leiðir til að njóta lífsins í Brixen Plose. Meðal annars í Acquarena sem er einstök vatnaveröld í glæsilegu húsnæði sem er 12.000 fermetrar. Með Brixenkortinu er frítt inn í sund en sauna og önnur þjónusta gegn gjaldi. Því ekki að skella sér til Suður-Tíról og njóta útiveru og menningar með allri fjölskyldunni í undurfögru umhverfi! Gististaðir okkar eru bæði í Plose  við skíðabrekkurnar og Brixen. 

Vefsíða Brixen  |  Myndir frá Brixen

Hagnýtar upplýsingar

Gistimöguleikar í boði:

Boðið verður upp á gistingu á Residence Gasser í Brixen.  Í flestum tilvika er hægt að fá 3ja og 4ra manna fjölskylduherbergi en það verður að staðfesta í hvert sinn. Barnaafsláttur fæst einungis ef barn er með tveimur fullborgandi í gistingu.  Einnig er hægt að athuga með aðra gistingu við skíðasvæðið í Plose ef áhugi er fyrir hendi.  

Hótelin:      | Residence Gasser  |  

 

Innifalið í verði: Flug, flugvallarskattar, ferðir til og frá flugvelli erlendis, gisting í 7 nætur, fæði eins og tilgreint er.

 

Uppgefið verð er staðgreiðsluverð og miðast við gengi evru 20. ágúst 2011

Staðfestingargjald kr. 25.000,- þarf að greiða innan 7 daga frá pöntun. Athugið að staðfestingargjald fæst ekki endurgreitt ef til afbókunar kemur.

Lágmarksþátttaka er 10 manns.